شروط اختيار الرئيس القادم

[center]شروط اختيار الرئيس القادم

____________________

1-مايكونش منوفي ( وان كنت معترض على الشرط ده )

......

2-ألا يستخدم بعض المصطلحات مثل محدودي الدخل
و لا مساس و المرحله المقبله و غيرها من العبارات التي تردد على أسماع
الشعب أول مايو من كل عام

3-يسمع كل يوم الصبح أغنية دامت لمين

4-مايعملش زيارات مفاجأه يوم السبت الساعه11 احنا اللي هنعمله زيارة مفاجأه كل 3 ساعات

5-مايفكرش إنه عشان بقى ريس يبقى قائد الثورة

6-مايقولناش الإخوه و الأخوات أنا أمي ماخلفتش غيري أنا و إخواتي

7-يصدر قرار بمنع عبارة "بناء على تعليمات السيد الرئيس" و اللي يقولها يتحاكم فورا

8-يكون بيتكلم و بيفهم انجليزي من غير مايطقطق ودانه

9-يكون عارف إننا انتخبناه هو.. مش هو مراته و ابنه و جوز خالته و عمة أم اللي جابو أبوه

10-يبقى عنده فيس بوك بس مابيلعبش فارم فيل ويكتبله بوست واحد في اليوم عشان مايضيعش وقت الشعب

11-يكون متواضع جداااا... بس مش لدرجة إنه يقعد في خيمه

12-مراته تاخد لقب سيدة مصر الأخيره

13-مايقعدش في القصر الجمهوري... ياخدله شقه إيجار جديد

14-ياكل عيش من أبو شلن و يشرب من مية الحنفيه

15-البدله بتاعته ماتكونش سينييه و ماضي عليها الخواجه فيرساتشي الله يرحمه... يجيب بدلته من أبونسمه

16-يتفرج كل يوم على قناة الجزيره

17-مايكونش عمل أي ضربات جوية و لا أرضيه و لا فضائية يذل أهلنا بيها

18-مايعطلش المرور عشان يروح مشوار عايز يوصل بسرعه يركب طياره

19-مايكونش راعي الرياضه و الرياضيين و لا الثقافة و لا المثقفين و لا الفن و لا الفنانين و يسيب الناس دي في حالها

20-مايضحكش علينا و يروح يفتتح نفس المكان عشرين مره

21-يبطل كلمة نشجب و ندين

22-مايكونش بيصلي العيد قبل مايبدأ و تنزل صورته و هو بيصلي في الأهرام يوم الوقفة بالليل في الطبعه الأولى

23-مايكونش من محبي الاستقرار

24-بمجرد فوزه في الانتخابات و قبل مايحلف اليمين يشتري كرسي تيفال الأصلي عشان مايلزقش

[/center]

هههههههههههههههههه ...
تسلم مانتا سياسي وصحفى قديم

» اختيار زكي أفضل لاعب فى لقاء نيوكاسل..وخروج الزمالك سبب عدم احتفاله بالهدف
» الرئيس الأمريكى باراك أوباما يغادر القاهرة بعد زيارة قصيرة لمصر
» حصريــــا ويندوز ( Pharaonic XP ) القادم بقوه من أرض الحضاره
» حصريا :: اغنية نانسي عجرم :: بالهداوة :: ماستر :::: من الألبوم القادم
» حصريا :: نانسـي عجرم .: 5 اغــــاني :. من الالبــوم القادم Radio Version